Воскресенье, 27.05.2018, 09:43
Истинно-Православная Церковь - Экзархат в Украине
Главная Регистрация Вход
Приветствую Вас, Гость · RSS
Меню сайта
ПОЖЕРТВОВАНИЕ
ПОМОЩЬ ХРАМУ
ЯндексЯндекс. ДеньгиХочу такую же кнопку


SMS.копилка
Царская Служба

ПОСОВЕТОВАТЬ ДРУГУ
Категории раздела
Мои статьи [1]
Размещенное в Интернете [12]
Газетная публикация [1]
Книги [4]
Аудио [1]
Видео [0]
Молитвы [1]
ФАЙЛООБМЕННИК


Ещё ФАЙЛООБМЕННИК
ФАЙЛООБМЕННИК
Наш опрос
ВАШЕ ОТНОШЕНИЕ К ИПЦ?
Всего ответов: 97

 Каталог: статьи, книги, аудио, видео
Главная » Статьи » Молитвы

МОЛИТВА священнослужителя, хотящаго литургисати

МОЛИТВА

священнослужителя, хотящаго литургисати

 

Боже Безначальный и Безконечный, великий в силе и неисследимый в разуме, всякаго здания старейший Сый, иже, благости Своея ради, в степень пресвитерства (епископства), во еже священнодействовати слово Твоея Истины, и о своих гресех и о людских неведениях приносити Тебе жертву правды и воздыхания во святых Твоих жертвенницех, удостоил мя еси, и яко стража верна дому Твоего поставил мя еси, и у Святая Святых приближатися к святому Жертвеннику Твоему и зрети, и воспевати славу Твою, сподобил мя еси.

О Благосте Безконечная, и Любы неизмеримая бездно, Ты священныя ученики Твоя и мнози иерарси и священницы, непорочно совершившие истинныя службы сия священнодействие, яко словесная небеса показал еси, и их святым ходатайством Любве Твоея неизреченныя благость на мир изливаешь. К Тебе, сия великия и божественныя чести мене сподобившаго, о еже Пречистое Тело и Честную Кровь Твою, во причастие верным всегда раздробляемая и раздаваемая, содействующу Святому Духу совершать, яко раб Господу своему, пред Лицем Твоим припадая, вопию со слезами: Ты веси мой состав, Господи, и мое житие, Ты веси яко люблю Тя, аще и несмь достоин призывать Трисвятое имя Твое. Не отрини мене от Лица Твоего, яко да и аз сподоблюся без порока предстояти святому жертвеннику Твоему, и во дни и в нощи воздевати руце мои пред Тобою, во еже со страхом и радостию приносити святую и Безкровную Жертву, в ней же Ты Сам предлагаемый и раздаваемый бываешь.

О, коликия любве Твоея неизреченныя сподобил еси раба Твоего, Владыко, еяже ни ангели Небеснии сподобляются. Но вем, и исповедую, Судие мой и Господи, яко огню Божества Твоего прикасаюся аз, нечисте руце и сердце, и вся уды моя имуще, и аще не покрыет мя милость Твоя, и не пощадит мя святая десница Твоя, яко земля содомская и гоморская имам сожещися, и яко столп сланый умертвитися, зане несть места чиста во мне от беззаконий моих.

Но Ты, Господи, яко щедр и милостив, молитв ради Пречистыя Матере Твоея, с Тобой за мир сраспинавшейся, и всех святых и Ангелов небесных, пощади и мене, за яже тако возлюбил мя еси, яко от утробы матере моея, предстояти пред Лицем святыя славы Твоея, предизбрал мя еси, и в порфиру благодати священства облекл мя еси, да благодатию Твоею от злых нападений вражиих ограждаемый, не яко Иуда, безстудне ядущий с Тобою от Божественной трапезы Твоея, зле предавый Тя, но яко возлюбленный наперсник Твой, любовию Твоею услаждаемый, совершу Святая Твоя во славу Трисвятаго имени Твоего.

Еще молю Тя, Всещедре Владыко, аще согрешиша люди Твоя и мы, не помяни беззаконий и неправд наших, да не оскудеет милость любве Твоея неизреченныя ко всем людем Твоим, и да не престает Божественная Благодать, в святом храме Твоем, немощи наша врачевати и оскудения наша восполняти силою Духа Святаго Твоего, Иже везде Сый, и вся исполняяй. Да тако Церковь Твоя Святая, юже снабдил еси Честною Кровию, утверждается и укрепляется вечною славою Твоею.

Сице, милосердствующе о людех Своих, не возбрани благодати Всесвятаго Духа Твоего, посетити и освятити Святыя Дары, хотящии мною, недостойным рабом Твоим, предложитися на святей Трапезе Твоей, о всех, иже о Тебе, Бозе Спасителе нашем, наследие небесное улучити имут, да и аз, убог служитель Твой, обрящу мзду благаго Икономства, верных и мудрых строителей, в день страшнаго и праведнаго Твоего воздаяния, идеже в Свете Лица Твоего несть ни плача, ни вопля, ни воздыхания, но мир и радость безконечная в Тебе, Господе нашем, со Безначальным Твоим Отцем, и со Пресвятым, Благим и Животворящим Твоим Духом, во веки веков. Аминь!



Источник: http://ipcukraine.ucoz.net/files/molitvaBL.zip
Категория: Молитвы | Добавил: ipcukraine (28.05.2009) | Автор: Игумен Феофан
Просмотров: 1175 | Рейтинг: 5.0/1 |
Всего комментариев: 0
Имя *:
Email *:
Код *:
Истинно-Православная Церковь, Украина © 2018
Форма входа
Логин:
Пароль:
РЕКОМЕНДУЕМ...
Календарь
Статистика

Онлайн всего: 1
Гостей: 1
Пользователей: 0
Поиск